George Horace Gallup, naixito de Jefferson (Iowa) o 18 de noviembre de 1901 y muerto en Thun (cantón de Berna, Suiza) o 26 de chulio de 1984, estió un matematico y estatistico estausunidense, establidor de l' American Institute of Public Opinion en 1935 ta realizar estudios estadisticos d'as eleccions estausunidenses y prediccions d'os suyos resultatos.
Formato en a Universidat d'Iowa, se i licenció en Ciencias Politicas, treballando dende primerías d'os anyos 1930 en o campo d'as enquestas ta una achencia de publicidat, que estió la base d'o suyo treballo posterior en ixe campo, encara que aplicando-lo a la politica. O suyo prencipal exito estió en 1936, cuan seguntes as suyas prediccions o vencedor en as eleccions sería Franklin Roosevelt en cuentas d'o suyo rival Alfred Landon, como pronosticaba a prensa estausunidense.
