Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Os gagauzes (en gagauzGagauzlar) son un pueblo de luenga turquica propia y relichión cristiana ortodoxa griega. Os territorios que ocupan en Ucraina, Moldavia, Rumanía y Bulgaria no tienen continuidat territorial, estando l'aria mes gran en o sud de Moldavia, on han declarato una republica independient sin reconoiximiento internacional.
Historia
A suya etnochenesi no ye clara y bi ha muitas teorías. Se sape que son orichinarios de territorios bulgaros d'o sud de Dobrucha. Pareix estar que son o producto d'a superposición de bellas migracions turquicas anteriors a los otomans (Pazinacos, Uzos, Cumans, Selchuquís disidents, ecetra...) que estioron baixo a influencia d'os griegos bizantins y se cristianizoron.
Cuan l'Imperio Ruso conquirió as costas d'o norte d'a Mar Negra forachitoron a os Nogais y querioron repoblar-la con poblacions cristianas, permetendo que venisen alemans, bulgaros, y gagauzes. Os Gagauzes s'establioron en o sud de Besarabia creyando una isleta etnica prou dinamica pa asimilar a poblacions no gagauzas y con o tiempo tener mes importancia numerica y territorial que en o puesto d'orichen d'os gagauzes d'o sud de Dobrucha.
A presencia de Gagauzes en a Dobrucha rumana o Dobrucha d'o norte se remonta a reguchiatos d'a Guerra de Crimea.
O gubierno sovietico no permitió que tenesen a suya propia rechión autonoma y tamién lis prohibió una amostranza en a suya luenga. Dimpués d'a desintegración d'a URSS a mayor part d'os gagauzes d'a URSS se convertioron en una minoría important en a Republica de Moldavia y declaroron a suya independencia respecto a Moldavia creyando a Republica de Gagauzia.
