Exemeno de Luna (c. 1278 - Alcalá de Henares, 17 de noviembre de 1338) estió bispe de Zaragoza y arcebispe de Tarragona y de Toledo. Yera miembro d'o linache d'os Martínez de Luna.
Biografía
Exemeno de Luna (u Exemeno Martínez de Luna) naixió arredol de 1278. Yera fillo de Pero Martínez de Luna y d'Elvira Pérez de Sessa. Tenió cuatre chirmans: Pero Martínez de Luna II, (m. 1326), casau con Violant d'Alagón, Tresa y Gracia de Luna.[1]
Exerció como bispe de Zaragoza dende o 5 de chulio de 1296.[2]
O 3 d'agosto de 1304 actuó como representant de Chaime II d'Aragón en a Sentencia arbitral de Torrellas (Zaragoza) por a que Alfonso de la Cerda renunció a la cadiera reyal de Castiella, y s'amugó o reino de Valencia fixando a suya muga sud en o río Segura (lo que implicó a devolución a Castiella d'a metat d'o reino de Murcia.[3] Por orden d'o rei Alifonso III d'Aragón y d'o papa Climent V, colaboró con o bispe de Valencia, Ramon Despont, en a destrucción d'a orden d'o Temple.
Dende o 26 de marzo de 1317 ocupó o cargo d'arcebispe de Tarragona. Mientres iste mandato tenió un luengo pleito con o rei Sancho I de Mallorca por as islas d'Eivissa y Formentera, y por considerar-le vasallo suyo. Menazando l'arcebispe Exemeno de Luna con excomulgar a o rei balear.[4]
En 1326 o Consello d'Alfonso XI de Castiella obligó a Chuan d'Aragón a albandonar Castiella, en alcanzar a mayoría d'edat, destituyindo-lo como arcebispe de Toledo y canceller mayor d'o reino. Permutando o suyo cargo o 17 d'agosto de 1328 con Exemeno de Luna, dica alavez arcebispe de Tarragona.[5]
Dimpués d'a suya muerte o 17 de noviembre de 1338, le succedió en o cargo d'arcebispe de Toledo o suyo sobrino Gil Álvarez de Albornoz.[1][6]
Referencias
Vinclos externos
