Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
La Romareda ye o nombre d'o estadio de fútbol a on chuga o Real Zaragoza o suyo propietario ye o concello d'a ciudat de Zaragoza que tien cedito o suyo uso ta o Real Zaragoza dica l'anyo 2023.[1]
Historia
Exterior
A devantadera d'o estadio de la Romareda se fació con un partiu entre o Real Zaragoza y l'Osasuna o 8 de setiembre de 1957, estando president d'o club manyo Cesáreo Alierta. Ganoron os locals 4-3 con gols de Villa (o primer gol en A Romareda), Wilson, Murillo y Villa por segunda vegata y Areta, Gabino y Glaría t'os foranos.
O campo tenió cuantos ixamples en 1977, cuan se construyoron os nuevos escalerons cubiertos de Norte y Sud y en 1982 cuan se construyoron as cubiertas de cheneral posato debito a que sería siede d'o Mundial d'Espanya '82. Tamién estió subseu olimpica de fútbol en os Chuegos Olimpicos de Barcelona 1992 chugandose-hi partius d'o Grupo A y D, y un partiu d'os cuartos de final.
As zagueras obras se realizoron en 1994 ta adecuar-lo a la normativa d'a UEFA que obliga a tener todas as localidaz de posiento.
.jpg)
