Os dinosauros[1] (cientificament Dinosauria; d'o griego: δεινός Deinos, "terrible" y σαύρα Saura, "engardaixo" u "reptil") son un grupo d'animals mayoritariament fosils, descendients d'os Ornithodira, que constituyen un superorden d'os Archosauria. Actualment, se creye que as aus son descendients d'os dinosauros sauropelvians. Dinosauria fue propuesto por Richard Owen en l'anyo 1842 ta clamar a los granizos y extinctos reptils que s'heban trobato por primera vegata en Gran Bretanya.
Se considera que forman un grupo natural ya que presentan una serie de sinapomorfias que els unen, como por eixemplo un femur articulato con a pelvis por meyo de condilos, dispuesta en anglo respecto d'o femur, y vueito en a pelvis. Se tracta d'a mesma disposición que se presenta en os mamiferos, y que permite que as garras posteriors sostiengan o cuerpo como un pilar.
Clasificación
Bi ha dos órdens de dinosauros: os ornitopelvians (Ornithischia) y os sauropelvians (Saurischia), que se diferencian basicament en a forma d'a centura pelviana, en o primer caso pareixita a la d'as aus y en o segundo a la d'os atros reptils.
Chacimientos de Dinosauros en Teruel
En a era mesozoica i heba un mar y bellas islas entre o microcontinent d'a Placa Iberica y o continent u continents d'a Placa Euroasiatica. Os sedimentos d'este tiempo cheolochico en o Sistema Iberico son predominantment marins, sobretot calsineras. Sindembargo a man d'as islas u cuan baixaba o livel d'a mar local (regresions), podeban sedimentar materials marins con a fauna que i heba, os dinosauros incluitos.
En a provincia de Teruel tenemos chacimientos en Galv, Riodeva, y Penyarroya de Tastavins. O dinosauro de Riodeva Turiasaurus riodevensis ye un sauropodo y uno d'os mes grans conoixitos.
En os museus de Territorio Dinópolis se pueden veyer una amostranza d'os dinosuros en Aragón y os suyos chacimientos, o suyo museu emblema ye Dinopolis, situato en Teruel, que ye o parque paleontolochico mas gran d'Europa.
Os dinosauros en a cultura
En a literatura
Os dinosauros apareixen en muitas obras literarias belunas d'as que bi ha de destacar son Journey to the Center of the Earth de Jules Verne, The Lost World de Sir Arthur Conan Doyle y Jurassic Park de Michael Crichton .
En o cine
Dende os prencipios de cine os dinosauros son un tema que surte a sobén en cintas como King Kong, Godzilla y as suyas secuelas, Jurassic Park.
En o cine
En a televisión a mas popular serie a on surten dinosauros ye os debuixos animatos The Flintstones (Os picapiedra). Tamién bi ha atras series documentals como Walking with Dinosaurs, When Dinosaurs Roamed America y Planet Dinosaur.
Se veiga tamién
Vinclos externos
- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
