Die Welle (títol orichinal en alemán, en aragonés, A Onda marina, enguerada en Aragón con o títol en castellano de La ola) ye una cinta de cine alemán dirichida por Dennis Gansel en 2008.
Argumento
Mientres un prochecto semanal, o profesor Rainer Wenger amuestra a los estudiants d'a suya clase o tema d'a forma de gubierno. Os estudiants s'amuestran escepticos debant d'a ideya de que podese tornar una dictadura como la d'o Tercer Reich en l'Alemanya de nuestros días y que ya no bi ha periglo de que o nacionalsocialismo torne a fer-se con o poder. O profesor decide prencipiar un experimento con os suyos alumnos ta contrimostrar como ye de fácil manipular as masas.
Antecedents
En agüerro de 1967, un mayestro d'historia en o Instituto Cubberley de Palo Alto, California, dito Ron Jones, dirichió un experimento en a suya clase: imposó un rechimen d'estricta disciplina en a clase, restrinchindo a libertat d'os alumnos y fendo-ne una unidat. Ta gran sospresa d'o profesor, os alumnos reaccionoron con entusiasmo a la obediencia desichida d'éls. L'experimento, que orichinalment heba de durar nomás que un día, alavez s'estendilló por toda la escuela. Aquels que disentiban fuoron aislaus u mesmo agredius si no s'uniban a lo movimiento, y os miembros prencipioron a espiar-se y a desconfiar entre éls. O cinqueno día, Ron Jones decidió dar por rematau l'experimento. O nombre d'o movimiento estió A Tercera Onda marina, y ha inspirau ista cinta.
Elenco
Se veiga tamién
Referencias
Vinclos externos
