Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Danica Sue Patrick (naixita o 25 de marzo de 1982 de Beloit, Wisconsin) ye una piloto d'automobilismoestausunidense, que compite actualment en as IndyCar Series y a NASCARNationwide Series. Amás tamién ye modelo y ha actuato en cuantos anuncios de televisión. Patrick estió Rookie de l'anyo en a temporada 2005 d'Indianapolis 500 y d'as IndyCar Series. Con a suya victoria en a cursa d'Indy 300 Chapón de 2008, Patrick se convirtió en a primera muller en ganar una cura en o campionato Indy car. Patrick conduce actualment l'auto numero 7, un Honda/Dallara de l'equipo Andretti Autosport. En 2010, Patrick prencipió a competir tamién as NASCAR Nationwide Series, conducindo o Chevrolet Impala numero 7 de JR Motorsports. Remató en 3ª posición en a cursa de 2009 d'Indianapolis 500, lo que ye o suyo millor rechistro personal en ista pista y tamién a millor clasificación d'una muller en a historia d'iste evento. En 2011 estió a primera muller que lideró una cursa d'as NASCAR Nationwide Series en o circuito Internacional de Daytona. A suya millor clasificación en una cursa d'as NASCAR Nationwide Series estió a 4ena o 5 de marzo de 2011 en o circuito de Las Vegas. A clasificación d'ista cursa amás, ye a millor d'una muller en a historia d'a NASCAR.
Biografía
Os primers anyos
En Indianapolis 2006
Naixita de Beloit, Wisconsin, Patrick creixió en a vecina localidat de Roscoe, Illinois. Prencipio a competir en karts en 1992 con a edat de 10 anyos[1] en o circuito de Sugar River en Brodhead, Wisconsin, ganando cuantas cursas d'o campionato mundial de karts.
Con 16 anyos se tresladó ta Milton Keynes, Anglaterra ta mirar de continar con a suya carrera en o mundo de l'automobilismo,[2] competindo en o Campionato Nacional Britanico contra pilotos como o futuro campión mundial de Formula 1Jenson Button. Mientres d'un periodo de tres anyos compitió en Formula Ford, Formula Vauxhall y consiguió a segunda plaza en o Formula Ford Festival britanico, a millor conseguita por una muller en a historia d'ista competición.[3]
En 2002, Patrick prencipió a competir en Estaus Unius con l'equipo Rahal Letterman Racing. Dimpués de fer cuantas cursas en d'as Barber Dodge Pro Series, cambeo a o Toyota Atlantic Championship en 2003. Patrick consiguió una pole position y estió regularment ixa temporada en o podio; manimenos, no ganó denguna cursa. En 2004, Patrick remató tercera en o campionato.[4]
Resultatos en a Indy Car
De contino s'amostran os resultatos de Danica Patrick en a Indy Car. As cursas en negreta indican pole position.
