Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Dacia ye a denominación que recibiba en l'antiguedat a tierra d'os dacos y chetos principalment en fuents romanas, correspondendo principalment a lo territorios d'as actuals Rumanía y Republica de Moldavia.

O territorio dito Dacia yera compreso principalment entre o río Tizsa a l'ueste, os Monts d'o Maramureș a lo norte, o río Dniester a lo nord-este, a Mar Negra a l'este y o Danubio a lo sud. En ciertas partitas estas mugas yeran bien sobrepasatas: "enta l'este dezaga d'o Dniéster enantando dica o Bug, y tamién esta l'ueste heba plegato dita lo Danubio panonico".^[1]

O Reino de Dacia arribó a la suya mas gran extensión en ixas envueltas d'o rei Burebista, tenendo como mugas: a costa entre a Mar Negra y o Bug enta l'este, o cuadrilatero de Bohemia, Danubio panonico y Moravia enta l'ueste, os Monts de Maramureș a lo norte y tamién os Monts Haemus (Monts Balcans) enta o sud. A capital d'ixe reino yera a ciudat d' Argedava.^[2]

O zaguer rei de Dacia estió Decebal, que fue derrotato por os romanos en tiempos de l'emperador hispanorromano Trachán. A part de Dacia conquiesta por os romanos se convertió en a Provincia Romana de Dacia.