- Iste articlo tracta sobre Clamosa, que ye un municipio auxidido d'a val d'a Cinca, en a provincia de Uesca. Ta belaltros usos d'o toponimo «Clamosa», se veiga Clamosa (desambigación).
Clamosa ye un municipio historico d'Aragón en a provincia de Uesca y territorio d'a que huei ye a comarca de Sobrarbe. Se o puede documentar dende os primers censos mudernos de 1842 dica la suya absorción en o municipio de a Fueva en a decada de 1960.[1]
O termin municipal de Clamosa s'estructuraba, en primeras, con os cuatro lugars que forman a valleta de o barranco de Clamosa, afluent de o río Cinca por a man ezquierda, mas Caneto que se troba en a garra que la desepara d'o barranco d'o Salinar. En feba parte Clamosa como cabecera d'o municipio, la Penilla (en a cuentra d'o barranco), Bediello un poquet mas auguas t'alto por o mismo barranco, y a Selva que ye una pardina de Bediello. O dito termin municipal se forma d'estreturas y recuestos en as garras occidentals d'a sierra d'o Turón, con muitas penyas y turmos que afloran en pirol de a selva, con pocas faixas que dasen guaire productividat que se troben por alto d'a cota d'os 600 m, por o que os lugars mas importants dependeban d'os campos que teneban en a ribera d'a Cinca.
Ta o censo de 1857 se i heban adhivido os lugars que formaban l'antigo municipio de Trillo,[1][2] que son Trillo, Salinas de Trillo y Sant Per de Trillo, toz tres en a valleta d'o barranco d'o Salinar, en a man que toca a la sierra de l'Entremont.
O municipio fué absorvido en o municipio d'a Fueva en a decada d'os anyos 60 d'o sieglo XX, consecuencia d'a despoblación progresiva de toz os nuclios que o formaban. En 1968 s'inauguró l'entibo de lo Grau, que submerchió parcialment os campos que Clamosa y a Penilla teneban en a ribera d'a Cinca, por o que se prevocó a zaguer tongada emigradera d'os suyos zaguers habitants.
Demografía
(1) D'antes d'a fusión con Trillo.
Evolución d'a población de Clamosa dende 1857.
Os atros municipios absorvidos en a Fueva
Referencias
Vinclos externos
.svg){kind=small}
