Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre un municipio catalán en a comarca de l'Alto Urchel; ta atros usos, se veiga Cava (desambigación).

Cava
Municipio de Catalunya
Anvista d'o lugar d'Ansovell en o termin de Cava.
Entidat  • Estau  • Comunidat  • Provincia  • Comarca	Municipio  Espanya  Catalunya Leida Alto Urchel
Superficie	42,2 km²
Población  • Total	39 hab. (2013)
Altaria  • Meyana	1.335 m.
Alcalde	Gisela Sellés Ribatallada
Codigo postal	25722
Coordenadas	42°19′38″N 01°35′08″E
Cava Cava en Catalunya
Web oficial

Cava ye un municipio catalán situato en a comarca d'Alto Urchel, en a provincia de Leida.

A suya población ye de 61 habitants (2011), en una superficie de 42,20 km² con una densidat de población d'1,45 hab/km².

O lugar de Cava se troba situato a 1.335 metros d'altaria sobre o ran d'a mar.

D'o suyo termin municipal fan parte os lugars d'Ansovell (en ye a suya capital), Cava y Querforadat.

O termin municipal de Cava muga a lo norte con el Pont de Bar y Arsèguel; a l'ueste con Alàs i Cerc; a o sud con la Vansa i Fórnols y Josa i Tuixén; y a l'este con o termin de Montellà i Martinet.

	El Pont de Bar y Arsèguel
Montellà i Martinet		Alàs i Cerc
	La Vansa i Fórnols y Josa i Tuixén

Aparixe citato en o sieglo XI con a forma "Cava", fácil que d'orichen latín (cava, con o significato de "(roca) vueda, espelunga.

Seguntes a tradición, l'antigo lugar de Cava se trobaba situato amán d'o castiello, en o lugar dito a Cadira del Senyor ("cadiera d'o sinyor"); lo cremoron y alavez a población se trasladó enta la suya actual ubicación. D'o castiell nomás en queda que parte d'os suyos muros. Situato en l'antigo condau de Cerdanya y dimpués en o condau d'Urchel, a primera vegata que se cita o castiello ye en 1277 en o testamento de Galcerán III de Pinós. parixe que a sinyoría d'iste castiello yera vinclata con a sinyoría d'o castiello de Sant Cristoforo, en a mesma val de Cava. En primerías d'o sieglo XVII o lugar de Cava perteneixeba a Josep Brera y en 1787, en o censo de Floridablanca, consta que yera de churisdicción reyal.

• Ilesia de Sant Martín d'Ansovell (en o lugar d'Ansovell), una ilesia en estilo romanico d'o sieglo XII. Tien nomás que una nau con abside semicercular.
• Ilesia de Sant Cristofo de Vinyoles, tamién en estilo romanico.
• Castiello de Miralles.

• Se veigan as imáchens de Commons sobre Cava.
• (ca) Información de Cava en a pachina web d'a Deputación Provincial de Leida.
• (ca) Información de Cava en a pachina web d'a Cheneralidat de Catalunya.
• (ca) Información de Cava en a pachina web d'o Institut d'Estadística de Catalunya.
• (ca) Información de Cava en a pachina web d'o Consello Comarcal de l'Alto Urchel.