Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
As primeras noticias d'o castiello son de 830, con a construcción d'un castrum por l'abat Hilboldo, d'o monesterio de Sant Filiberto. O castrum s'emplegaba ta esfender a os monches d'o monesterio y a la población d'a isla d'os ataques d'os vikingos.
O castiello se reconstruyó en piedra en o sieglo XII por o poder feudal d'a isla, que miraba d'estabilizar a rechión ta impedir os espullamientos que i feban os normandos. En ixos intes, a isla yera dominata por os sinyors de La Garnache. O donchón fue construyito por Pero IV de La Garnache, y dimpués se construyó un recinto con torres ta rodeyar o patio.
En 1690, o sinyor de La Paunière, gubernador d'a isla y d'o castiello, bi construyó una casa en l'interior d'o castiello, ta fer-ne a suya residencia.[1]
O donchón ye situato en o centro d'o recinto, masivo y rectangular. Ye construyito en piedra picata y tien tres pisos; en o tercer piso se troba a residencia d'o sinyor. O donchón tien muitas aspilleras, con chicotas torres esfensivas en os suyos anglos. Hue, en o castiello se troba o Museu de Noirmoutier.
O recinto murallato rectangular tien dos torres, una unica puerta y dos garitas en os cuatro anglos.
