Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Castiello d'Hiroshima 広島城, Hiroshima-jō (u 鯉城, Ri-jō)
O castiello d'Hiroshima (広島城, Hiroshima-jō en chaponés), tamién clamato a vegatas castiello d'a Carpa (鯉城, Ri-jō), ye un castiellochaponés situato en a ciudat d'Hiroshima.
En prencipiar a suya construcción, se rebaptizó Gokamura con o nuevo nombre de Hiroshima. "Hiro" provién d'Oeno Hiromoto, un antipasau d'a familia Mori, y "Shima" provién de Fukushima Motonaga, qui aduyó a Mori Terumoto ta esleyir o lugar ta construir o castiello. «Hiroshima» significa tamién «isla ampla», nombre que fa referencia a cuantas islas d'o delta d'o río Otagawa a man d'o castiello.
Dimpués d'a batalla de Sekigahara en 1600, s'obligó a Mori a albandonar o castiello y a retirar-se t'a localidat de Hagi, en l'actual prefectura de Yamaguchi. Fukushima Masanori esdebenió o sinyor d'as provincias d'Aki y de Bingo (hue ye a prefectura d'Hiroshima). Sindembargo, o nuevo shogunato de Tokugawa prohibió tota construcción de nuevos castiellos sin de l'autorización d'o Gubierno d'o shogun, ta impedir a creixencia d'o poder d'os daimyō y o posible periglo ta o shogunato. Asinas, cuan Fukushima reparó o castiello dimpués d'unas inundacions en 1619, li esterroron ta Kawanakajima, en l'actual prefectura de Nagano, y Asano Nagaakira se convertió en o nuevo sinyor d'o castiello.
Dimpués d'a Restauración Meichi, o castiello s'emplegó militarment; asinas, en 1894-1895, mientres a guerra chino-chaponesa estió o Quelter Cheneral de l'Exercito chaponés. Hue se puet veyer os alacez d'os edificios d'arredol d'o Cuartel Cheneral a bels metros d'a torre prencipal de l'edificio.
