O castiello-palacio de la Baronía ye un castiello que se troba situau en a localidat d'Estercuel (Andorra-Sierra d'Arcos, Aragón). Se documenta ya en o sieglo XIII.
Descripción
Ye un edificio d'estructura rectangular de 33x25 metros, articulando-se as suyas dependencias en dos cantos formando una L. I hai un patio situau en a parti sudueste d'o rectanglo y que ye ocupau por una construcción segundaria de dos plantas.
As fronteras más intresants son a este (que da a la población), con estructura de caserón y dentrada por un arco rebaixau y restas de molduras en os vanos, y a ueste por o suyo carácter esfensivo, conservando sayeteras y contrafuertes de piedra.
En l'actualidat o castiello perteneixe a 5 propietarios diferents que han reformau os suyos sectors de manera individual, fendo que a estructura interior orichinal d'o palacio s'haiga perdiu. Se conservan encara o zaguán, a escala y as caballerizas, a las que s'accede a traviés d'un arco decorau. Ye intresant tamién a bodega, con os suyos arcos de ladriello y o suyo pisador.
Vinclos externos
