La Cabeza de las Lebatas ye una plataforma estructural chica situada entre los termins municipals d'Exelsa y de Viliella d'Ebro con calsineras d'edat chattiana-acheniana situadas estratigraficament sobre archilitas royas chesosas tamién d'edat chattiana-acheniana (Oligoceno). Lo suyo cabalto ye en lo termin municipal d'Exelsa y presenta sobre la plataforma estructural oligocena una faixa fluvial pendida d'Ebro a 226 m d'altaria.[1] La Cabeza de las Lebatas ye un punto bien vistable en la redolada y dende a on que se puede veyer buena part de la ribera d'Ebro, razón por la cual en la Edat Meya construyoron una talaya de base semicircular que encara se conserva en part (pilón de las Lebatas), que tiene como hereu simbolico l'actual vertiz cheodesico.
Toponimia
L'oronimo Cabeza de las Lebatas presenta un segundo component que proviene de lo latín GLEBATA y que se torna a trobar formando toponimos en Viu de Llevata (Ribagorza Alta), que Coromines explica como un plural neutro de GLEBATUM,[2] forma derivada de GLEBA u GLAEBA ("torrueco").
Referencias
Bibliografía
Vinclos externos
