Os belos (belli en latín) estioron un pueblo prerromano que viviba en a provincia que l'Antiga Roma denominaba Hispania Citerior, ye decir, en a parte sudueste de l'actual provincia de Zaragoza (Aragón) y en a parte mas occidental de l'actual provincia de Soria en Castiella y Leyón.
Yeran una subdivisión d'os celtibers, y yeran muito ligaus a atros dos pueblos celtibers: os titos y os lusons. Una d'as suyas ciudaz prencipals yera Nertobriga (cerca de L'Almunia de Donya Godina), estando Segeda (cerca de Belmont de Gracián) una atra d'as suyas ciudaz.
Dende o 154 aC, os belos prenioron parte en as Guerras Celtibericas contra Roma chunto con a resta de pueblos celtibers.
Economía
Por estar asentaus en a mesma zona que os titos y lusons, a suya economía poseye as mesmas caracteristicas. Se basaba en l'agricultura, encara que tamién s'adedicaban a la ganadería y desembolicoron una industria metalurchica con o mineral de fierro d'as menas de Moncayo, amás de disponer de chicotas cantidaz d'oro en o río Xalón. Plinio o Viello apondera as armas fabricadas aquí. De producción d'archent cuasi no bi ha noticias.
Cautivaban hordio, cerials y oliveras. En a ganadería se da a cría de tocins, crabas y uellas. Como ye rica a ganadería, se da una industria textil prospera, fabrican o sagum, emplegau como vestiu y tamién como tributo.
A suya ceramica ye caracterizada por temas decorativos a bandas con cerclos y semicerclos.
Relichión
Cuasi no bi ha información, por lo que tenemos que fer una gollada a la epigrafía. No ye fácil conoixer a función de cada divinidat, ya que puet haber distintos nombres pa una mesma. Mos trobaremos belunas que son pancelticas.
Divinidaz:
- Mercurio: relacionada con una divinidat gala, será o conductor d'as almas.
- Matres: divinidaz femeninas relacionadas con a maternidat, a fecundidat y o luto d'a guerra. O suyos epitetos son puestos de ríos, nombres de tribus u localidaz.
- Epona: divinidat panceltica relacionada con a fertilidat, as auguas y os funerals.
- Sucello: divinidat infernal gala, s'ha visto por a ceramica indichena. Cuerpo antropomorfo a vegadas acompanyau d'animals.
Guerras Celtibericas
Ta más detalles, veyer l'articlo Guerras Celtibericasveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].
Con a enamplación de territorio de Sekaisa (Segeda) en o 154 aC, Roma lo prene como casus belli pa la conquista progresiva. Por ixa razón s'aliarán a atra d'as tribus celtiberas mas poderosas, os arevacos, cuala ciudat mas important ye Numancia. As fuerzas combinadas d'os dos pueblos frenan primero l'ataque d'o romano Nobilior contra Sekaisa y dimpués lo refusan en Numancia.
Estió en l'anyo 153 aC, cuan s'enfrontinoron a o exercito romano mandau por Nobilior, composau por 30.000 hombres, y as tropas celtibericas de segedenses y numantinos a o mando de Caro de Segeda. O resultau d'ista primera batalla estió a favor d'os celtibers, murioron 6.000 romanos.
Bibliografía
- (es) Guillermo Fatás Cabeza (coordinador): Los celtas en el valle medio del Ebro. C.A.I, 1989.
- (es) Historia de España, dirigida por M. Pidal, Ed. Espasa Calpe, Madrid, 1960-1982, Tomo I, vol. II y III. Tomo II, vol. I y II
- (es) Protohistoria de la Península Ibérica, Barcelona, 2001.
