La Batalla de Cutanda estió una batalla que se desvinió en Cutanda (amán de Calamocha, Teruel) en 1120, entre l'exercito almurabit mandato por Ibrahim Ibn Yusuf y l'exercito cristiano mandato por Alifonso I lo Batallero. Lo rei nabarro-aragonés contó con l'aduya de Abdelmalik Imad al-Dawla (lo rei taifa zaragozano que heban destronato los almurabitz), y con la de lo duque d'Aquitania Guillén IX lo Trobador u Guillén de Piteus, que vinió con 600 lanzas.
Los exercitos cristianos vencioron a los almurabitz; como consecuencia d'esta victoria de los cristianos aragoneses, nabarros y occitans, lo rei d'Aragón y Pamplona prenió las fortalezas de Calatayú y de Daroca, enamplando los suyos reinos d'orichen pirenenco ta lo Sistema Iberico, y plegando la suya influencia militar tan luent como ta Segorb.
Vinclos externos
