A batalla d'Epila estió una batalla medieval (21 de chulio de 1348) en a cual l'exercito d'o rei d'Aragón Pero IV, con aduya de fuerzas catalanas y o refirme de bels nobles reyalistas y bellas ciudaz d'Aragón, vencioron a Unión Aragonesa debant d'ixa localidat d'a val de Xalón. En a batalla, Chuan Ximénez d'Urreya, sinyor de Biota, mandaba as tropas d'a Unión Aragonesa, y Pero IV con Lope de Luna mandaba as tropas reyalistas fiels a o rei.
Dimpués d'a derrota, o rei convocó as Corz d'Aragón en o Monesterio de Santo Domingo de Zaragoza, en do diz que crebó con un punyal o Privilechio d'a Unión. A derrota d'Epila suponió p'os nobles aragoneses a perda d'autonomía debant d'a monarquía.
