Arenas de San Pedro ye un municipio d'a provincia d'Ávila, en a comunidat autonoma de Castiella y Leyón, Espanya. Fa parte d'a comarca d'Arenas de San Pedro, estando-ne la suya capital; tamién en ye capital d'o partiu chudicial d'Arenas de San Pedro.
A suya población ye de 6.841 habitants (2012) en una superficie de 194,85 km², con una densidat de población de 35,11 hab/km². Por o suyo numero d'habitants, ye a tercera población d'a suya provincia, dezaga d'Ávila, a capital, y d'Arévalo.
Una gran parte d'o suo termin municipal fa parte d'o Parque Rechional de Sierra de Gredos.
Cheografía
O lugar d'Arenas de San Pedro se troba situau a 507 metros d'altaria sobre lo livel d'a mar, a lo sud d'a sierra de Gredos, a una distancia de 70 km d'a ciudat d'Ávila, a capital d'a suya provincia, y de 198 km d'a ciudat de Valladolit, a capital de Castiella y Leyón.
D'o suyo termin municipal fan parte os lugars d'Hontanares, la Parra y Ramacastañas.
O prencipal curso d'augua d'o municipio ye o río Tiétar (un afluent d'o río Tacho), amás de belos d'os suyos afluents.
Mugas
O termin municipal d'Arenas de San Pedro muga a lo norte con el Arenal, Guisando y el Hornillo; a lo nord-este con Mombeltrán; a l'este con Santa Cruz del Valle y Lanzahíta; a lo sud-este con Velada (Toledo); a lo sud con Navalcán (Toledo) y Parrillas (Toledo); a o sudueste con Oropesa (Toledo); a l'ueste con Poyales del Hoyo y Candeleda; y a lo norueste con San Juan de Gredos y Hoyos del Espino.
Demografía
Administración
Reparto de concellers
Alcaldes
Molimentos
- Castiello d'Arenas de San Pedro, un castiello de primerías d'o sieglo XV protechiu legalment con a suya declaración como Bien d'Intrés Cultural.
- Palacio d'a Mosquera, un palacio d'o sieglo XVIII en estilo neoclasico, que encargó o cardenal Luis de Borbón y Farnesio a l'arquitecto Ventura Rodríguez y que ye protechiu legalment con a suya declaración como Bien d'Intrés Cultural dende o 15 de setiembre de 2012.[1]
- Ilesia de Nuestra Sinyora de l'Asumpción d'Arenas de San Pedro, una ilesia d'o sieglo XIV en estilo gotico adedicada a l'Asumpción d'a Virchen, que se debantó en o centro d'a localidat por orden de Ruy López Dávalos, qui estió o primer titular d'a sinyoría d'Arenas de San Pedro.
- Capilla Reyal de Sant Per d'Alcántara, un monesterio d'o sieglo XVII que se troba situau a bels 2 km de distancia d'o casco urbán d'Arenas de San Pedro. Adedicau a Sant Per d'Alcántara, se debantó seguntes planos de l'arquitecto Ventura Rodríguez en o sieglo XVIII con l'aduya d'o rei Carlos III d'Espanya. O 16 de noviembre de 1972 fue declarada Bien d'Intrés Cultural.[2]
- Ilesia de Sant Chuan Baptista d'Arenas de San Pedro, una antiga ilesia monastica d'un monesterio femenino hue desapareixiu.
- Ilesia d'a Virchen d'o Pilar d'Arenas de San Pedro, una ilesia adedicada a la Virchen d'o Pilar, zaguer resto d'un antigo monesterio d'a Orden de Sant Agostín cremau y espullau por as tropas de l'exercito francés mientres a guerra d'o Francés. Esboldregada, as suyas piedras s'emplegoron ta devantar a garchola, a casa d'a Villa y a plaza de toros.
Vinclos externos
Referencias
.svg)
.svg)
