Alfonso Carlos de Andrés naixiu de Noviellas, Campo de Borcha, o 16 de mayo de 1938 y muerto en Madrit o 5 de chulio de 2009, estió un atleta aragonés especializau en tiradas. Participó en os Chuegos Olimpicos de Roma 1960, estando o segundo atleta aragonés en estar olimpico y plegó a estar 39 vegatas internacional con o equipo nacional espanyol. Estió campión d'Espanya de tirada de chavalina 8 vegadas dende 1960 dica 1967 consecutivament y tamién tenió o récord d'Espanya de tirada de chavalina en 1960 y entre 1961 y 1968, a mas d'o récord d'Aragón de tirada de chabalina con o modelo de chavalina antigo (d'antis de 1986) que teneba o centro de gravedat mas retrasau.
Yera un atleta con una gran capacidat natural ta fer tiradas de cualsiquier preba, tenió records d'Aragón en peso, disco y chavalina. Prencipió fendo tiradas de peso y disco en o Deportivo San Fernando, o suyo solo equipo d'a suya vita, chunto a Rafael Sánchez Iglesias qui en primeras estió o suyo descubridor y entrenador. Empecipió a tirar chavalina de casualidat, un día en una competición per equipos s'amenesteba belún que tirase javalina porque o suyo equipo tenió a necesidat de puntuar en ixa preba. En a suya primera tirada d'a suya vita fizo o record d'Aragón absoluto cuan encara yera junior, principiando una exitosa vita esportiva dominando a preba en Espanya mientres os anyos 1960.[2] En 1957 y con nomás 19 anyos, le concedioron una beca en a Residencia Blume de Madrid, que se deciba alavez Residencia Moscardó. Allí entrenó con José Luis Torres, un d'os pioners d'as prebas de tirada d'Espanya.
Entre as suyas competicións internacionals cal destacar a suya participación en os Chuegos Olimpicos de Roma 1960, dos medallas en o Campionato Iberoamericano, oro en Madrit 1962 y bronce en Santiago de Chile 1960, campión d'o mundo militar en La Coruña 1964 y medalla d'archent en os Chuegos d'a Mediterrania de Túniz 1967.
Su chirmano Fernando de Andrés fue olimpico con a selección espanyola de handbol en Munich 1972.
Referencias
Vinclos externos
