Agustín Pérez-Lizano García, naixito de Zaragoza (comarca de Zaragoza) en 1871 y muerto en ixa mesma capital o 18 d'abril de 1936, estió un avogato, periodista y politico aragonés d'ideolochía republicana.
Instalato dende 1899 en a ciudat de Calatayú, i fundó un diario republicanista, dito La Justicia, que se mantenió activo dica a sublevación faixista d'o 18 de chulio de 1936, cuan fue clausurato. Estió organizador d'o republicanismo en a a comarca d'a comunidat de Calatayú, que esleyó un deputato republicano.
Dende 1927 tornó enta Zaragoza, mientres a dictadura de Miguel Primo de Rivera, organizando-ie un partiu politico republicano dito Derecha Liberal Republicana, vinclato con Niceto Alcalá-Zamora y Miguel Maura. Dimpués d'a proclamación d'a Segunda Republica Espanyola, estió Delegato Rechional de Treballo en Aragón, estando prou bien considerato en medios anarquistas d'a Confederación Nacional d'o Treballo por a suya ecuanimidat.
Casato con Victoria Pérez Labarías, yera pai de Manuel Pérez-Lizano y Pérez, qui estió alcalde de Zaragoza y president d'a Deputación Provincial de Zaragoza, ocupando iste zaguer cargo a la muerte d'o suyo pai. Pocos meses dimpués d'a suya muerte, o suyo fillo fue asasinato por os golpistas, albandonando-se o suyo cuerpo a o canto d'a Canal Imperial d'Aragón.
Vinclos externos
