Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo tracta sobre a Casa Chuan Acín de Biescas. Ta altros emplegos d'a parola torraza se veiga Torraza (desambigación).
A Torraza u casa Chuan d'Acín ye una casa fortificata de Biescas, hue convertita en museu.
A casa-torre fue construita por o vecín infanzón de Biescas Chuan d'Acín en l'anyo 1580, como se puet veyer sobre una d'as finestras d'a suya frontera. Ye una gran muestra de l'arquitectura popular d'o sieglo XVI y una d'as casas que millor s'han conservato en Biescas, villa muit destruita en a Guerra Civil
Tien cuatre pisos. As pocas finestras que se troban en as suya frontera, nomás cinco y amás chicotas, y as sayeteras en o cuatreno piso, nos remeran o caracter esfensivo d'a construcción. Amás d'ista función esfensiva, A Torraza de Biescas, como atras muitas casas-torre en tot l'Alto Galligo, yeran residencia de familias infanzonas y simbolizaban o suyo poder economico y social.
En l'interior as escaleras son estreitas, de piedra, y os teitos abobedatos. Destacan d'os chamineras d'estilo francés y os adornos en o suelo, que debuixan formas cheometricas.
A Torraza
Dende l'anyo 2000 ye propiedat d'o concello de Biescas, que gracias a la financiación d'o Gubierno d'Aragón convirtió a casa en un museu, estando l'arquitecto Humberto Bahillo qui fació as obras. O museu, que s'inaguró en l'anyo 2002, amuestra a historia de l'edificio y d'a familia Acín y tamién l'arquitectura popular en a Tierra de Biescas en o sieglo XVI, epoca d'inestabilidat social en a zona en que s'enamploron y convirtiron en residencia de nobles muitos d'os castiellos medievals que bi heba. Tamién s'amuestran episodios d'a historia militar de Biescas como a presa d'a villa por os luteranosfranceses en ixe mesmo sieglo.
.jpg)
.jpg)
