Qatar Airways Maatskappy Q.C.S.C. (Arabies: القطرية, Al Qatariyah [2]), wat as Qatar Airways handel dryf, is die staatsbeheerde lugredery en vlagdraer van Katar. Met sy hoofkwartier in die Qatar Lugdienstoring in Doha,[3] bedryf die lugredery 'n spilpunt-en-speeknetwerk wat meer as 100 internasionale bestemmings regoor Afrika, Sentraal-Asië, Europa, die Verre Ooste, Suid-Asië, die Midde-Ooste, Noord-Amerika, Suid-Amerika en Oseanië met sy basis in Doha verbind, met behulp van 'n vloot van meer as 150 vliegtuie.
Die lugredery het meer as 30 000 werknemers met 17 000 personeel in direkte diens en 'n verdere 13 000 by sy filiale.[4] Op 8 Oktober 2012 het die uitvoerende hoof, Akbar Al Baker, aangekondig dat Qatar Airways by die "Oneworld Alliance" gaan aansluit. Die redery het net een jaar later, op 30 Oktober 2013, 'n volwaardige lid geword.[5]
Qatar Airways is as die wêreld se beste lugredery aangewys by die "Skytrax World Airline Awards 2022".
Kritiek
Qatar Airways is internasionaal onder kritiek as gevolg van sy swak werksomstandighede. So word swanger werknemers, volgens indiensnemingsvoorwaardes, ontslaan as hul swanger sou raak. Verder word die bemanning se hotelkamers gemonitor en die besit van alkohol, sigarette of varkvleis is 'n rede vir ontslag uit die redery se diens.
Logo en kleurskema
Die logo van Qatar Airways word in die kleure van die vlag van Katar versier. Die Engelse naam van die lugredery is in Optimafont en die Arabiese naam in Kufiskrif. 'n Gemsbokkop pryk op die stert van Qatar Airways-vliegtuie. Die in-vlug vermaakstelsel wat in alle kajuitklasse beskikbaar is, word Oryx genoem. Die vliegtuie word nou liggrys, op die boonste deel, en wit geverf. Die oorspronklike kleur was wit met 'n wynrooi-strook oor die vensters en stert.
Kodedeelooreenkomste
Qatar Airways het kodedeelooreenkomste met die volgende lugrederye:[6]
.jpg)
.jpg)
.jpg)
_arrives_London_Heathrow_Airport_21September2014_arp.jpg)
