Uitstalling van Grönholm se 206 WRC in Tokio, Japan.
Die Peugeot 206 WRC is 'n wêreldtydrenmotor wat op die Peugeot 206 padmotor gebaseer is. Dit is deur Peugeot Sport, Peugeot se fabriekspan, gebruik in die Wêreldtydrenkampioenskap van 1999 tot 2003.
Peugeot het met dié tydrenmotor die vervaardigerswêreldtitel drie jaar na mekaar verower van 2000 tot 2002. Marcus Grönholm het die titel vir bestuurders in 2000 en 2002 gewen.
