Die Palmietrivier is geleë in die Wes-Kaapprovinsie van Suid-Afrika. Die rivier is tipies van 'n Wes-Kaapse rivier, met 'n reënseisoen in die winter. Dit het 'n klein opvangsgebied van 500 km². Dit het vyf besproeiings- en hidro-elektriese damme, en verskaf water vir landbou en industriële doeleindes, asook aan die Kaapstadse Metromunisipaliteit.
Die rivier is vernoem na palmiet (Prionium serratum), 'n tipe riet wat in die rivier groei.
