Mombasa is 'n kusstad van Kenia aan die Indiese Oseaan. Die stad staan bekend as die wit-en-bloustad, weens sy geboue se kleurskema. Mombasa is die land se oudste (ongeveer 900 n.C.) en die tweede grootste stad naas die hoofstad Nairobi, met 'n bevolking van 1 208 333 siele tydens die 2019-sensus. Die stad se oppervlakte is 295 km² en sy metropolitaanse gebied is die tweede grootste in die land, en het 'n bevolking van 3 528 940 inwoners.
