MY Cephei


MY Cephei
MY Cephei is die helderste ster op dié infrarooifoto van NGC 7419. (Foto: 2MASS)
MY Cephei is die helderste ster op dié infrarooifoto van NGC 7419.
(Foto: 2MASS)
Sterrebeeld Kefeus
Spektraaltipe M7-M7,5 I[1] (M6-M7Iab[2])
Soort Ekstreme[3] OH/IR-rooisuperreus[4]
Waarnemingsdata (Epog J2000)
Regte klimming 22h 54m 31.698s
Deklinasie +60° 49′ 38.97″
Skynmagnitude (m) 14,4-15,5[2]
Besonderhede
Massa (M☉) 14,5[5]
Radius (R☉) 1 134[6] - 2 061[1]
Ligsterkte (L☉) 155 000[6] 310 000[1]
Ouderdom (jaar) 9 miljoen[1]
Temperatuur (K) 3 000[1] - 3 595[7]
Afstand (ligjaar) 9 780+1 140−950 ligjare
Ander name
MY Cep, IRC +60375, 2MASS J22543171+6049388, IRAS 22525+6033, RAFGL 2987[8]
Portaal  Portaalicoon   Sterrekunde

MY Cephei (afgekort as MY Cep), ook bekend as IRC +60375, is 'n rooisuperreus in die oop sterreswerm NGC 7419 in die sterrebeeld Kefeus. Dit is 'n halfgereelde veranderlike ster met 'n maksimum magnitude van 14,4 en 'n minimum magnitude van 15,5.

MY Cephei het 'n ongewone spektraaltipe van M7,5. Dit is een van die laatste spektraaltipes van enige superreus. Die ster is een van die helderste en koelste rooisuperreuse, sowel as een van die grootste bekende sterre. As dit in die middel van die Sonnestelsel geplaas kon word, sou dit tot anderkant Jupiter en moontlik selfs Saturnus se wentelbaan gestrek het.

Waarnemings

'n Ligkurwe in die sigbare band vir MY Cephei.[9]

Waarnemings van die oop sterreswerm NGC 7419 in 1954 het getoon vier van sy sterre is helder, rooi sterre, hoogs waarskynlik rooisuperreuse. Daarbenewens is ontdek 'n buitengewoon rooi ster is veranderlik en moontlik 'n nog helderder rooisuperreus.[10] Dié ster het in 1973 die veranderlikesternaam MY Cephei gekry.[11]

MY Cephei word geklassifiseer as 'n halfgereelde veranderlike ster, subtipe SRc, wat aandui dit is 'n koel superreus, hoewel sy pulseringstydperk nie bekend is nie. Daar is waargeneem sy helderheid wissel van so helder as 14,4 tot so dof as 15,5.[2] Dié ster en 'n ander laat rooisuperreus, S Persei, word soms beskou as die prototipes van die klas M6-M7-superreuse.[12]

MY Cephei se afstand word aanvaar as omtrent 9 780+1 140−950 ligjare, gebaseer op die aanname dat dit in NGC 7419 geleë is.[1][13]

Eienskappe

MY Cephei se spektraaltipe word in die General Catalogue of Variable Stars as M6-M7 Iab aangedui, wat beteken dit is 'n helder superreus van middelmatige grootte,[2] hoewel die meeste skrywers dit beskou as 'n M7-M7,5 I.[1] Die klassifikasie is moeilik weens die gebrek aan vergelykbare standaardsterre, maar dit lyk of sy spektrum later as M5 is.[12]

MY Cephei is 'n baie helder, koel en groot ekstreme superreus, met 'n ligsterkte van meer as 100 000 keer dié van die Son en 'n radius van meer as 'n duisend keer die Son s'n. Dit is waarskynlik die helderste, koelste en grootste superreus in die sterreswerm;[1] dit lê in die boonste regterkantse hoek van die Hertzsprung-Russell-diagram.

Verwysings

  1. ↑ 1,0 1,1 1,2 1,3 1,4 1,5 1,6 1,7 Humphreys, Roberta M.; Helmel, Greta; Jones, Terry J.; Gordon, Michael S. (Augustus 2020). "Exploring the Mass Loss Histories of the Red Supergiants". The Astronomical Journal. 160 (3): 145. arXiv:2008.01108. Bibcode:2020AJ....160..145H. doi:10.3847/1538-3881/abab15. S2CID 220961677.
  2. ↑ 2,0 2,1 2,2 2,3 "GCVS Query=MY Cep". General Catalogue of Variable Stars @ Centre de données astronomiques de Strasbourg. Besoek op 6 Augustus 2020.
  3. ↑ Davies, Ben; Beasor, Emma R. (2019). "The distances to star clusters hosting Red Supergiants: χ per, NGC 7419, and Westerlund 1". Monthly Notices of the Royal Astronomical Society: Letters. 486: L10–L14. arXiv:1903.12506. doi:10.1093/mnrasl/slz050. S2CID 88517447.
  4. ↑ Beauchamp, Alain; Moffat, Anthony F. J.; Drissen, Laurent (1994). "The galactic open cluster NGC 7419 and its five red supergiants". Astrophysical Journal Supplement Series. 93: 187. Bibcode:1994ApJS...93..187B. doi:10.1086/192051.
  5. ↑ Marco, A.; Negueruela, I. (2013). "NGC 7419 as a template for red supergiant clusters". Astronomy & Astrophysics. 552: A92. arXiv:1302.5649. Bibcode:2013A&A...552A..92M. doi:10.1051/0004-6361/201220750. S2CID 53723223.
  6. ↑ 6,0 6,1 Beasor, Emma R; Davies, Ben; Arroyo-Torres, B; Chiavassa, A; Guirado, J. C; Marcaide, J. M; Alberdi, A; De Wit, W. J; Hofmann, K. -H; Meilland, A; Millour, F; Mohamed, S; Sanchez-Bermudez, J (2018). "The evolution of red supergiant mass-loss rates". Monthly Notices of the Royal Astronomical Society. 475 (1): 55. arXiv:1712.01852. Bibcode:2018MNRAS.475...55B. doi:10.1093/mnras/stx3174. S2CID 55822928.
  7. ↑ Messineo, Maria; Figer, Donald F.; Kudritzki, Rolf-Peter; Zhu, Qingfeng; Menten, Karl M.; Ivanov, Valentin D.; Chen, C. -H. Rosie (2021). "New Infrared Spectral Indices of Luminous Cold Stars: From Early K to M Types". The Astronomical Journal. 162 (5): 187. arXiv:2107.03707. Bibcode:2021AJ....162..187M. doi:10.3847/1538-3881/ac116b. S2CID 235765247.
  8. ↑ "MY+Cep - Red Supergiant", SIMBAD (Centre de Données astronomiques de Strasbourg), https://simbad.cds.unistra.fr/simbad/sim-id?Ident=MY+Cep, besoek op 2023-07-05 
  9. ↑ "ASAS-SN Variable Stars Database". ASAS-SN Variable Stars Database. ASAS-SN. Besoek op 3 Desember 2022.
  10. ↑ Blanco, V.; Nassau, J. J.; Stock, J.; Wehlau, W. (1955). "M-Type Stars in NGC 7419". The Astrophysical Journal. 121: 637. Bibcode:1955ApJ...121..637B. doi:10.1086/146029.
  11. ↑ Kukarkin, B. V.; Kholopov, P. N.; Kukarkina, N. P.; Perova, N. B. (1973). "59th Name-List of Variable Stars". Information Bulletin on Variable Stars. 834: 1. Bibcode:1973IBVS..834....1K.
  12. ↑ 12,0 12,1 Fawley, W. M.; Cohen, M. (1974). "The open cluster NGC 7419 and its M7 supergiant IRC +60 375". Astrophysical Journal. 193: 367. Bibcode:1974ApJ...193..367F. doi:10.1086/153171.
  13. ↑ Davies, Ben; Beasor, Emma R. (Maart 2020). "The 'red supergiant problem': the upper luminosity boundary of Type II supernova progenitors". MNRAS (in Engels). 493 (1): 468–476. arXiv:2001.06020. Bibcode:2020MNRAS.493..468D. doi:10.1093/mnras/staa174. S2CID 210714093.

Skakels