Johannes Gerhardus 'John' Williams (29 Oktober 1946 – 5 Desember 2024) was 'n Suid-Afrikaanse rugbyspeler en afrigter.[1]
Loopbaan as speler
John Williams het sy seniorrugby vir die Noord-Transvaalse provinsiale span gespeel. Hy het sy debuut vir die Springbokke op 12 Junie 1971 gemaak teen die span van die besoekende Franse rugbytoer by die Vrystaat Rugbystadion in Bloemfontein. Hy het toetse teen Australië in 1971, Engeland in 1972, die Britse en Ierse Leeus in 1974 en die All Blacks in 1976 gespeel.[2] Hy het verder in elf toerwedstryde gespeel waar hy een keer 'n drie gedruk het vir die Springbokke.[3]
Afrigterloopbaan
Williams was van 1987 tot 1991 die Noord-Transvaalse rugbyafrigter en het elke jaar sy span tot in die Curriebeker-eindstryd gelei. Noord-Transvaal het drie van die eindstryde gewen, in 1987, 1988 en 1991 en in 1989 het hulle die titel met die Westelike Provinsie gedeel. In 1992 is Williams as Springbokafrigter aangestel.
Dood
Williams is op 5 Desember 2024 in Pretoria aan leukemie dood. Hy was vir tien dae in 'n koma.[4]
Verwysings
.svg){kind=small}