Jackson Mthembu (5 Junie 1958 – 21 Januarie 2021) was 'n lid van die Nasionale Vergadering van Suid-Afrika vir die African National Congress. Hy het die pos van Minister in die Presidensie van Suid-Afrika beklee tydens sy afsterwe aan covid-19. Voorheen was hy die hoofsweep en die nasionale woordvoerder van die ANC. Hy was van 1997–1999 die LUK vir Vervoer in Mpumalanga.
Persoonlike lewe
Mthembu is op 5 Junie 1958 in Witbank gebore.[1] Sy moeder was Nantoni Mthembu.[2]
Mthembu was getroud met Thembi Mthembu en het ses kinders gehad. Een van sy kinders, die 25-jarige Nokhwezi Mthembu, het selfmoord gepleeg op 20 Maart 2019 by hulle parlementêre woning in Kaapstad.[3][4]
In 2014, is Mthembu in die wang geskiet terwyl hy 'n ABSA-kitsbank in Mandelastraat in die Witbank-middestad gebruik het.[5] Die gewapende man en sy medepligtiges is hierna na Mthembu se motor toe, waar vier van sy vriende van hulle geld en selfone beroof is.
Mthembu sterf as 'n gevolg van komplikasies van die Koronavirussiekte-2019 op 21 Januarie 2021.[6]
Verwysings
