Tom Ryan, beter bekend onder sy professionele naam, Evan Stone (gebore 18 Julie 1964), is 'n Amerikaanse pornografiese akteur, regisseur, stoeier en skerpskertser.[1]
In 2011 het Stone die derde akteur geword wat die AVN-prys vir manlike kunstenaar van die jaar drie keer gewen het. In dieselfde jaar het CNBC hom gekies as een van die 12 gewildste porno-sterre; hy was die enigste man op die lys. Hy is ook in AVN en XRCO se heldesale opgeneem.
Lewe en loopbaan
Stone is in Ames, Iowa, gebore en het by sy aanneempa in Dallas, Texas, grootgeword.[2] Hy het as 'n eksotiese danser in die pornografiebedryf beland.[2] Tien jaar later, in 1997, het hy in pornoprente begin optree. Op 1 Januarie 2001 het hy die AVN-prys vir manlike kunstenaar van die jaar die eerste keer gewen en in 2008 die tweede keer.
In 2011 was hy die enigste man op CNBC se lys van die 12 gewildste sterre in pornografie.[3] In dié jaar het hy ook die AVN-prys die derde keer ontvang – die eerste ster wat dit reggekry het naas Lexington Steele en Manuel Ferrara.[2] Maande later het hy sy debuut as regisseur gemaak met die Hustler-rolprent TSA - Your Ass is in Our Hands.[4]
Verwysings
Skakels
