Enkefalitis (ook ensefalitis of harsingontsteking) is 'n akute inflammasie van die harsings. Enkefalitis met meningitis (harsingvliesontsteking) is bekend as meningo-enkefalitis.
Simptome
Pasiënte met enkefalitis ly aan koors, hoofpyn en fotofobia met swakheid en aanvalle wat ook gereeld voorkom. Minder gereeld kom styfheid van die nek voor, met seldsame gevalle van pasiënte wat ook aan styfheid van die ledemate ly, stadige bewegings en lompheid afhangende van die spesifieke gedeelte van die brein wat betrokke is. Die simptome van enkefalitis word veroorsaak deur die brein se beskermingsmeganismes wat aktiveer om van die infeksie ontslae te raak. Ander simptome kan lomerigheid en hoesbuie insluit.
