Ali Bacher

Ali Bacher
Volle naam Aron Bacher
Gebore 24 Mei 1942 (1942-05-24) (82 jaar oud)
Johannesburg, Suid-Afrika
Kolfstyl Regterkantste kolf
Internasionale geskiedenis
Nasionale span Suid-Afrika
Loopbaanstatistiek
Kompetisie Toets 1ste rang
Wedstryde 12 120
Lopies aangeteken 679 7 894
Kolfgemiddeld 32,33 39,07
100s/50s 0/6 18/45
Hoogste telling 73 235
Aflewerings geboul – 114
Paaltjies – 2
Boulgemiddeld – 43,50
5 paaltjies in 'n kolfbeurt – 0
10 paaltjies in 'n wedstryd – 0
Beste boulontleding – 1/8
Vangskote/Stonkings – 110/1
Bron: CricketArchive,

Aron "Ali" Bacher (gebore 24 Mei 1942 in Johannesburg) is 'n voormalige Suid-Afrikaanse krieketspeler en 'n administrateur van die Verenigde Krieketraad van Suid-Afrika.[1][2] Hy was voorsitter van die Suid-Afrikaanse reëlingskomitee vir die Krieketwêreldbeker 2003.[3]

Bacher was 'n kaptein van die Suid-Afrikaanse krieketspan wat Australië in al vier toetse in die 1970-toetsreeks geklop het. Hy het 'n leidende rol in die twee "Rebelle-toere" van die 1980's en vroeë 1990's, asook in die eenwording van Suid-Afrikaanse krieket in 1991 en daarna gespeel.[4]

Biografie

Bacher is gebore uit Joodse gesin wat van Litaue na Suid-Afrika geïmmigreer het. Hy kry sy bynaam op die ouderdom van sewe vanaf Ali Baba, 'n fiktiewe karakter uit Arabiese literatuur. Ali trou met Shira Teeger, en het twee dogters en een seun. Sy nefie, Adam Bacher, het in die 1990's vir Suid-Afrika gespeel.

Hy begin op skool krieket speel en verteenwoordig Transvaal op die ouderdom van 17. Hy speel in 12 toetse vir Suid-Afrika, drie teen Engeland en nege teen Australië. In 'n groot wedstryd vir Transvaal teen 'n besoekende Australiese krieketspan in 1966/67, teken hy sy hoogste telling van 235 in die tweede beurt aan. Hy tree op as kaptein van die nasionale span tydens 'n enkele reeks in 1969/70, waartydens Suid-Afrika al vier sy wedstryde teen Australië wen.

Hy is in 1972 met die Suid-Afrikaanse Sports Merit Award bekroon.[5]

Hy het aan die Universiteit van die Witwatersrand studeer en as 'n dokter gekwalifiseer. In 1981 het hy 'n hartomleiding ondergaan.

Verwysings

  1. ↑ Daar is beslis redes om dokter Ali te bedank, Die Burger, 4 Mei 2004
  2. ↑ The story of an African game. Besoek op 2 Februarie 2011.
  3. ↑ (en) Rodney Hartman, Ali: The Life of Ali Bacher, Penguin, Johannesburg, 2006, p. 495–520.
  4. ↑ HAT Taal-en-feitegids, Pearson, Desember 2013, ISBN 978-1-77578-243-8
  5. ↑ The International Jewish Sports Hall of Fame. Besoek op 2 Februarie 2011.

Eksterne skakels