Die 2. Bundesliga (d.w.s. Tweede of Sekondêre Bondsliga) is die tweede hoogste afdeling van Duitse professionele sokker. Die 2. Bundesliga is in 1974 ingestel.
Struktuur
Die verspreiding van die 2. Bundesligaspanne (rooi – Bundesliga; blou – 2. Bundesliga)
Die liga bestaan uit 18 spanne, waarvan die boonste twee aan die einde van die seisoen outomaties promoveer na die Bundesliga, terwyl die span wat derde eindig 'n promosie-relegasiewedstryd speel teen die span wat 3de laaste eindig in die Bundesliga. Die spanne wat laaste en tweedelaaste eindig relegeer outomaties na die 3. Liga, terwyl die span wat derdelaaste eindig weer 'n promosie-relegasiewedstryd speel teen die span wat 3de eindig in die 3. Liga.
Aanvanklik het die 2. Bundesliga uit 40 spanne bestaan wat geografies tussen die 2. Bundesliga Noord en die 2. Bundesliga Suid verdeel was.
In 1981 is 'n enkele kompetisie met 20 spanne ingevoer. In die 1991/92-seisoen, na die hereniging van Wes- en Oos-Duitsland is die spanne van die DDR ook geakkommodeer en is daar weer 'n Suid- en Noordstroom geskep, elk met 12 spanne. Sedert die 1994/1995-seisoen bestaan die 2. Bundesliga egter uit 18 spanne, net soos die Bundesliga.
Die spanne wat tans (2008/09-seisoen) meeding in die 2. Bundesliga is die volgende:
